影片
更多
2024-12-02
122 瀏覽
今日同友人嚟咗依間喺尖沙咀諾士佛台嘅樓上西餐廳酒吧。個環境都幾闊落，坐得幾舒服，又唔會太嘈吵，啱晒同人傾偈食嘢飲酒。Carnival 真係好繽紛嘅一杯嘢飲，入邊有Oreo餅、Kitkat朱古力同埋繽紛樂。酒底有baileys同whiskey, 好啱女仔飲。Dry Martini 落咗gin嘅dry martini 順喉好飲，入面仲有三粒橄欖做點綴。白酒忌廉汁燴蜆 ($128)好有驚喜, 佢個忌廉汁好creamy同濃郁, 唔係水汪汪嘅Texture. 蜆肉大大粒, 好飽滿, 而且數量都好多。佢入面仲有落埋洋蔥粒、蒜片等。如果麵包有多幾片就好啦，個汁太正。西班牙海鮮拼盤 ($148)又係滿滿嘅驚喜。佢分別有唔同餡嘅法包，依次由淡到濃味咁食。先食三文魚，再到希靈魚子同鯷魚。希靈魚子比較少食到，口感特別。鯷魚就比較重口味。中間仲有三隻海螺，彈牙有鮮味。成個拼盤俾人一個好滿足嘅感覺。澳洲龍蝦龍蝦汁扁意粉 ($298)龍蝦汁扁意粉超入味，每啖意粉都好掛汁同埋食得出有龍蝦嘅鮮味。龍蝦肉已經拆好肉，啖啖肉又彈牙。連意粉入面嘅野菌都好有鮮味。
Carnival
真係好繽紛嘅一杯嘢飲，入邊有Oreo餅、Kitkat朱古力同埋繽紛樂。酒底有baileys同whiskey, 好啱女仔飲。
Dry Martini
落咗gin嘅dry martini 順喉好飲，入面仲有三粒橄欖做點綴。
白酒忌廉汁燴蜆 ($128)
好有驚喜, 佢個忌廉汁好creamy同濃郁, 唔係水汪汪嘅Texture. 蜆肉大大粒, 好飽滿, 而且數量都好多。佢入面仲有落埋洋蔥粒、蒜片等。如果麵包有多幾片就好啦，個汁太正。
西班牙海鮮拼盤 ($148)
又係滿滿嘅驚喜。佢分別有唔同餡嘅法包，依次由淡到濃味咁食。先食三文魚，再到希靈魚子同鯷魚。希靈魚子比較少食到，口感特別。鯷魚就比較重口味。中間仲有三隻海螺，彈牙有鮮味。成個拼盤俾人一個好滿足嘅感覺。
澳洲龍蝦龍蝦汁扁意粉 ($298)
龍蝦汁扁意粉超入味，每啖意粉都好掛汁同埋食得出有龍蝦嘅鮮味。龍蝦肉已經拆好肉，啖啖肉又彈牙。連意粉入面嘅野菌都好有鮮味。
張貼
