越南牛肉粉專門店 (裝修中)

星期六點幾鐘在D2 place附近，求其揾間野開餐，點知中晒伏。一入店內，見大概六成滿，向最先見到嘅男侍應示意兩位，佢睇到但無指示我地應該座邊，我以為係座位任揀，於是自己揀左個位座，點知呢刻個男侍應就要求我地座佢指示嘅位置。咁我地都乖乖轉位。呢位男侍應由落單到上菜都係黑口黑面的。有趣嘅係，我地自己討論點樣配搭d套餐時，另一位女侍應埋黎比意見話我地應該點點點，雖然有點熱心過龍，但總算出於好心，所以都無咩所謂。我點的是香矛豬扒湯粉，一上枱見到個賣相已知中伏，一食落口，湯底得個咸字，無其他味，豬扒好似已被浸在湯内一段長時間咁，係唔香口同埋鞋口嘅。跟餐嘅小食春卷林林地兼有油益味。一碗難食湯粉連三粒春卷加杯飲品承惠$65。個人覺得唔值。唔會有下次。