棠記海鮮小廚

營業中

休息中

成日聽人講去屯門三聖食海鮮，我都未試過，今日就帶埋阿媽去朝聖一下😙經朋友推薦揀左呢間棠記海鮮小廚，佢話試過幾間，都係呢間最好食wo！不過如果星期六日去就記得要book位啦，因為真係好full下🙈黎三聖，如果要食海鮮，就首先要去海鮮街度買，買完再拎去加工🤔今次海鮮類就食左龍蝦伊麵同豉椒炒蜆，兩個都好好味！除左料夠新鮮，師傅功架都係重點龍蝦新鮮彈牙，調味啱啱好仲可以突出龍蝦既鮮味。伊麵吸收曬龍蝦汁，超級好食😋豉椒炒蜆粒粒都好多肉又冇沙，調味都恰到好處！有d地方雖然好夠鍋氣但會太鹹，呢度鹹甜鮮都剛好👍最後仲叫左個糖醋肉，肉外酥內軟，菠蘿又香甜多汁，好味呀