雲南人家風味餐廳 (已結業)

今晚特登行去新蒲崗搵食，揀左呢間雲南人家食佢嘅德勝豆花撈米線。本來就好鍾意豆花撈米線呢樣食物，但係好少地方有，難得搵到一間有得食，梗係要試一試佢啦！德勝豆花撈米線 $32賣相十分不錯，但係食落有點失望！米線加豆花口感係好滑，但係兩樣食物本來都係淡味，成碗嘅重點就落左係醬汁同配菜身上啦，好可惜呢間店鋪嘅調味麻麻地，同埋個底嘅汁似係豉油，完全沒有雲南風味。德勝豆花撈米線加麻辣羊肉 $32+18呢個加左$18麻辣羊肉，但係只有幾片，而且係炸到乾哂，覺得冇咩特別！