清心齋 (已結業)

再一次嚟到清心齋買佢嘅豆腐花食，每次口淡淡又唔想食西式甜品太滯，都會搵吓豆花呢類食物潤吓喉嚨😊😊實在係好舒服。一如既往豆腐花好好味，加咗黃糖十分清甜，質地滑嘟嘟又細緻冇粉感，好順口，同時都食到輕輕豆味。叫咗先望到餐牌原來有黑白兩溝，即係芝麻糊豆腐花，下次一定要試吓。買開見到啲有啲賀年炸物，同平時長賣嘅甜糕、小食，又忍唔住手買咗少少番屋企哈哈🐽🐽笑口棗脆卜卜，鍾意佢係一口size，唔會太大粒，可以成粒啪落口👍🏻仲有個腐皮卷，入面餡料有三樣嘢，分佈好平均，每一啖都咬到豐富嘅層次，調味啱啱好，呢個小食有驚喜！🔥🔥🔥