寿司源

營業中

休息中

由最初馬田路鮨店一直搵言師傅, 到現址嘅壽司源, 但後來少咗入元朗所以比較難校到時間去探佢, 已經年幾冇見佢都仲記得我, 真係好有心。推介嘅有, 小長井“華蓮”生蠔 (當時係四月), 超肥嘅大吞拿魚腩, 牡丹蝦, 大吞拿魚腩蓉配醃蘿蔔手卷。尤其係件大吞拿魚腩, 已經斜切走哂所有筋, 淨返筋與筋之間嗰層肉, 對上一次咁食法係係日本嘅壽司匠Masa, 當時每層薄啲要三片先做到一件壽司, 非常花功夫。青柳亦有驚喜, 用料唔算大片所以呢件用咗3片青柳, 用醬油輕燒之後帶出甜味, 效果竟然好過我係香港Tokami食嗰件😱👍整體用料握功上乘, 絕對係一間用心經營嘅鮨店。