Coti the Bistro (企業廣場)

營業中

休息中

Delexe weekend breakfast 豪華週未早餐用料豐富，包括雞扒，煙三文魚，煙肉，黑松露炒蛋，蜜瓜，酵母麵包，沙律菜。雞扒都幾大塊不過唔算厚肉，外皮煎得好香脆，金黃色嘅，內裏肉質結實幾嫩。煙三文魚好香煙熏味，包到好似玫瑰花嘅形狀🌹黑松露炒蛋蛋香味濃，有黑松露香，炒得好滑creamy。煙肉煎到好香脆，唔算油膩。🍈哈密瓜清甜爽口juicy多士焗得好香脆，上面係牛油果蕃茄仔沙律，🥑牛油果比較硬應該係因為唔夠熟，加咗🍅蕃茄仔同🧅洋蔥再加埋杏仁脆片，酸酸地好開胃，層次口感豐富。🥗沙律菜好新鮮爽脆，加咗黑油醋汁酸酸甜甜好開胃。Cold Brew Tea with Rose & Pu-erh🌹玫瑰普洱冷泡茶同我想像中嘅冷泡茶唔同，大半杯都係冰🧊😅，落單嘅時候再三確認咗店員係冇冰嘅，上菜時見到有冰再話佢知，但係完全冇意思幫我更換🥲玫瑰味好香但入口茶味好淡整體來講，食物質素不錯，飲品菜式名有誤導，冷泡茶唔應該有冰，應該寫成冰茶；環境寧靜，座位舒適；店員服務態度良好不過不夠主動。