意粉狂熱 (皇室堡) (已結業)

今日買咗飛睇戲，近近地喺皇室堡搵嘢食，見到呢間pasta唔使等位，又有set lunch食，就入去坐底咗啦！呢度係用QR code自己點餐，我地點咗個二人餐，前菜有沙律，每人有一碗湯，分別揀咗洋蔥湯同南瓜忌廉湯。主菜方面就叫咗一個芝士肉醬千層麵，表面滿佈芝士，仲要熱辣辣，唔錯；另外叫咗溫泉蛋什菇意粉，溫泉蛋撈意粉唔會唔好食啦，仲有好多什菇。隨餐附送甜品同餐飲，甜品就叫起，我地食到咁上下先叫，甜品係意大利芝士餅，不過甜品就做得一般，不過以呢個價錢黎講都抵食架啦！