影片
更多
2023-09-15
60 瀏覽
🍄豪華浪漫黑松露之夜🍄-好似都有一排冇treat myself😌 所以趁住啱啱出咗糧 就去呢間朋友大推嘅意大利餐廳 食佢哋夏日期間限定嘅黑松露tasting menu🍄 餐廳用上咗alba truffle去烹調每一道菜 夠晒豪華😎-🍄Alba Summer Black Truffle Menu $1080 +10%-🍾Champagne of the Day一坐低餐廳就會首先serve一人一杯champagne 入口甜甜地酸酸地幾開胃-🥨 Amuse Bouche w/ Alba Summer Black Truffle開胃小食有芝士🧀️配三款唔同嘅意大利黑醋 分別係12年25年同埋50年嘅醋 食得出因年份不同而風味上有所改變 越耐歷史嘅黑醋會更純更有層次感😉 另外仲有自家製嘅意大利麵包配上初榨橄欖油 同埋呢一道菜嘅重點黑松露醬蒸蛋😎 蒸蛋上面仲放咗少少魚子醬同新鮮刨出嚟嘅黑松露同食用金箔 夠晒矜貴😋 食落好似慕絲咁滑 而且好有層次感-🐮Fassona Sirloin Beef Carpaccio前菜有西冷生牛肉片配上黑松露 初榨橄欖油同芝士😉 新鮮刨出嚟嘅黑松露加上橄欖油嘅畫龍點睛 香
-
好似都有一排冇treat myself😌 所以趁住啱啱出咗糧 就去呢間朋友大推嘅意大利餐廳 食佢哋夏日期間限定嘅黑松露tasting menu🍄 餐廳用上咗alba truffle去烹調每一道菜 夠晒豪華😎
-
🍄Alba Summer Black Truffle Menu $1080 +10%
-
🍾Champagne of the Day
一坐低餐廳就會首先serve一人一杯champagne 入口甜甜地酸酸地幾開胃
-
🥨 Amuse Bouche w/ Alba Summer Black Truffle
開胃小食有芝士🧀️配三款唔同嘅意大利黑醋 分別係12年25年同埋50年嘅醋 食得出因年份不同而風味上有所改變 越耐歷史嘅黑醋會更純更有層次感😉 另外仲有自家製嘅意大利麵包配上初榨橄欖油 同埋呢一道菜嘅重點黑松露醬蒸蛋😎 蒸蛋上面仲放咗少少魚子醬同新鮮刨出嚟嘅黑松露同食用金箔 夠晒矜貴😋 食落好似慕絲咁滑 而且好有層次感
-
🐮Fassona Sirloin Beef Carpaccio
前菜有西冷生牛肉片配上黑松露 初榨橄欖油同芝士😉 新鮮刨出嚟嘅黑松露加上橄欖油嘅畫龍點睛 香味十足😌
-
🍝Spaghetti Canadian Uni
🍝Bucatini Amatriciana Pork
之後一道菜就係意大利手工意粉 因為想同朋友一齊分享 所以我哋就揀咗兩款唔同嘅口味
1️⃣海膽意大利麵🌊用上左較幼嘅面體 配上忌廉做基底嘅醬汁 加上海膽 都幾鮮甜 不過主角當然就係餐廳即席刨嘅黑松露 增添香氣 更有層次😋
2️⃣另一款醃豬頰肉番茄意大利麵🐷 面體比較粗身啲 更加食到煙煙韌韌嘅口感 而豬肉有預先醃製 有少少似臘肉嘅口感 有少少煙熏味 同蕃茄基底嘅都幾夾 不過因為呢一款面本身比較濃 所以黑松露比較似係襯托
-
🐮NZ Prime Sirloin Steak and Alba Summer Black Truffle
🐷Organic Piedmont Slow Cooked Pork Loin & Alba Summer Black Truffle
另外煮食我哋都揀咗兩款唔同嘅肉 包括紐西蘭特級西冷牛扒同埋慢煮豬里肌肉😎 兩款扒都會預先烹調左同埋切好咗一份份 用預熱好嘅鐵板上菜 然後再喺席前鋪上新鮮刨好嘅黑松露 所以香氣特別充足😋 而牛扒會附上四種唔同嘅醬汁 包括辣椒醬 檸檬汁 意大利黑醋 同埋松露油 可以根據唔同嘅口味去調校😚
-
🎂Alba Summer Black Truffle Pannacotta & Dessert Set
最後當然唔少得甜品啦 佢成個甜品set都好豐富㗎 包括Gelato pop 檸檬雪芭 Tiramisu Cannoli同埋唔同款嘅朱古力😍 不過話明係黑松露大餐 點會少咗油黑松露入菜嘅甜品 餐廳就用咗黑松露去整架朱古力口味嘅意大利奶凍 入口好順滑 唔會太甜 加上黑松露嘅香氣 作為今餐圓滿嘅句號🥰
-
📍The Italian Club Seafood Wine Bar
中環蘇豪伊利近街32號地舖
張貼
