十下火鍋

天寒地凍最好去打邊爐，見這間火鍋店評價不錯，於是放工就同朋友黎試吓。我們點了二人套餐，每人$358加一，主要我哋想試吓個魚肚花膠雞湯湯底，有半隻雞同埋都幾多花膠、魚肚，湯底滾起後，有店員幫忙撈起切件再攞返出嚟，個湯底比想像中鮮甜，有少少藥膳味但不會太濃。火鍋料方面，我最欣賞脆炸魚骨、蒜味香腸、三寶滑、蟹肉蟹粉餃。特別是魚骨，比一般用魚皮打邊爐好味好多。蟹肉蟹粉餃餡料非常足，我仲食到有少少蟹殼，其他湯底嘅選擇其實都好吸引，下次再試吓其他湯底！