影片
更多
2018-01-16
882 瀏覽
話說朋友出左好大份BONUS咁大家都好唔客氣咁屈左佢一餐海鮮大餐,我地其中一個係地膽所以我地就去左鯉魚門食.貪食既我係第一次去到鯉魚門嫁~在我未到之前佢地已經買好晒所有海鮮我一黎到就已經有得食.首先當然係象拔蚌, 龍蝦同埋墨魚剌身. 唔知係唔夠凍定係始終中式酒樓唔係專業處理既問題, 龍蝦同墨魚刺身既口感都係一般, 象拔就好穩陣, 不過鮮味就一定冇問題,話晒都係活生生咁片佢!!係... 好難搵到既蝴蝶蚌呀,用薑蔥炒仲保持到蚌既鮮味但又唔油膩. 我就好鐘意食旁邊既蔥啦吸晒海鮮既鮮味簡直就係精華所在.椒鹽大賴尿蝦...賴尿蝦係我其中一個FAVORITE! 成隻有前手臂咁大隻,一隻分4件!嘩... 避風塘做法係中式酒樓度食真係好唔同. 連殼食都冇問題,炸到外面脆卜卜個肉仲好JUICY~ 好味到我食左3舊呀!! 哈哈...蒜蓉粉絲蒸帶子黎到時白雪雪排到好整齊,見到一人一隻好快已經KO左. 食落有好多粉絲, 可能肚餓同天氣太凍連普通既粉絲都覺得好好味. 帶子就蒸到熟得黎唔老但又離晒殼! 一點都唔浪費.由於我地叫左好多野食所以我地都冇叫芝士焗只係蒜蓉就算. 雖然只係頭頭尾尾不過呢隻靚真係靚,成隻腳吱
首先當然係象拔蚌, 龍蝦同埋墨魚剌身. 唔知係唔夠凍定係始終中式酒樓唔係專業處理既問題, 龍蝦同墨魚刺身既口感都係一般, 象拔就好穩陣, 不過鮮味就一定冇問題,話晒都係活生生咁片佢!!
係... 好難搵到既蝴蝶蚌呀,用薑蔥炒仲保持到蚌既鮮味但又唔油膩. 我就好鐘意食旁邊既蔥啦吸晒海鮮既鮮味簡直就係精華所在.
椒鹽大賴尿蝦...賴尿蝦係我其中一個FAVORITE! 成隻有前手臂咁大隻,一隻分4件!嘩... 避風塘做法係中式酒樓度食真係好唔同. 連殼食都冇問題,炸到外面脆卜卜個肉仲好JUICY~ 好味到我食左3舊呀!! 哈哈...
蒜蓉粉絲蒸帶子黎到時白雪雪排到好整齊,見到一人一隻好快已經KO左. 食落有好多粉絲, 可能肚餓同天氣太凍連普通既粉絲都覺得好好味. 帶子就蒸到熟得黎唔老但又離晒殼! 一點都唔浪費.
由於我地叫左好多野食所以我地都冇叫芝士焗只係蒜蓉就算. 雖然只係頭頭尾尾不過呢隻靚真係靚,成隻腳吱出黎係原條龍蝦腳!! 好彈牙唔會似蟹捧個D 散開既感覺. 讚呀!
薑蔥鮑魚都係鑊氣問題, 響屋企點都整唔到咁好味. 有鑊氣又好味但又唔老唔似擦膠真係要俾錢先食到呢個效果.
最後呢個果盤真係勁呀! 以往去中式酒樓我一定唔會食個果盤因為個D生果一定係勁乾啦又勁酸! 呢個果盤真係令我大開眼界呀... 有芒果已經係好新奇, 仲要係1月咁凍有一D咁甜咁香既芒果仲要界埋花就更加難得. 老闆真係唔古寒呀, 俾左5個芒果我地. 果盤仲有木瓜,火龍果, 石榴. 橙... 可能我見識小除左橙我未見過果盤會出現呢D水果嫁!
張貼
