海底撈火鍋 (利舞臺廣場)

營業中

休息中

喺大陸都成日食海底撈，但最近一年海底撈喺香港已經開咗幾間分店，我哋今次就嚟到銅鑼灣嘅海底撈試一試睇吓佢究竟有冇大陸嘅水準！首先可能呢間分店比較新，人流都未算話好多，唔似得大陸每次都要排兩至三個鐘頭先有得食，我哋排咗大概半個鐘就可以入到去。海底撈最出名係佢嘅服務，我女朋友就試咗佢哋嘅修甲服務，整得都唔錯，食物質素都唔錯，但略嫌貴左少少，我哋都係食返普通打邊爐嘅嘢食，例如肥牛，丸，響鈴等等。雖然香港海底撈係比較貴，但喺香港來講都好難有其他火鍋店有佢嘅服務質素，所以下次一大班人出嚟食飯都可以揀海底撈。