Lobster Central (已結業)

龍蝦包呢股熱潮都係香港吹左好耐了，但依舊人氣不減。位於登籠街呢條出哂名多過江龍既小街入面，Lobster central呢間有賣多款海鮮包既小店甘岩做緊shrimp roll買一送一，$98就有2個包，真係抵到爛呀。叫左2個蝦包$98,另外加左個炸蕃薯條$38 。個包真係十分驚喜，蝦既份量十分多，太約有十粒，而且唔係細蝦，而係大蝦，我估應該係1隻分左2粒。蝦本身已經撈左沙律醬，好fresh，唔係我地平時超級市場買個隻好膩，好heavy既沙律醬。包有烘過，邊邊位有少少脆，入面好軟熟。講返d蝦，真係好爽口好彈牙，好有蝦味。成件事真係好搭，如果$98一個對於我黎講可能會係試過就滿足了，但如果隔唔時有買一送一，如果經過，我應該會做左常客，因為我真係好鍾意食海鮮。炸蕃薯條又係一個驚喜，一睇份量就已經嚇親我，又多又長。而且係岩岩炸起，熱辣辣脆卜卜，香甜軟棉。配埋特製沙律醬真係一個人食完成份重想encore，真係好邪惡呀。好想知道幾時想有其他包會買一送一，好想試哂呀。