Infiniti C (已結業)

門外一支歐洲式燈柱及一幅花角鹿🦌牆畫，配上以粉藍色為主嘅裝修，給人清新閒適感覺。客人更可選擇坐窗邊位，透明大玻璃窗欣賞街外熙來攘往嘅都市景色。店內人氣無麩質伯爵茶蛋糕🍰（Earl Grey Cream Cake），柔和藍色嘅忌廉係以蝶豆花天然色素製成，面頭灑上食用花瓣，吸睛指數極高。海綿般嘅伯爵茶蛋糕味道清香芬芳，口感輕盈軟熟。牛油果班戟🥑（Avocado Pancakes）係無蛋、無奶、無糖的無麩質純素班戟，採用純米粉製成，配上手工果醬、牛油果和香蕉，純素人士都可放心食。賣相再次攞滿分💯，班㦸質地好實在及有口感，微微煙靭嘅感覺。旁邊有多種鮮果及果醬，豐富了班戟嘅味道。Lucifer魔鬼咖啡😂😂，味道介乎Expresso與Cappuccino 之間，入口初時嘗到苦味，落到喉嚨就有回甘滋味。