友口馥 (已結業)

由細到大都好鍾意食腸粉，加上網上廣泛報道所以慕名而來，但由於冇留意過收鋪時間，臨收鋪前半個鐘先黎到，結果咩都冇咁濟，本身最想試豬潤腸，鹹砵仔糕，紫米砵仔糕，豆漿都冇晒……腸粉得返叉燒腸，口感有別於傳統腸粉，佢係比較煙韌果種，不過不失～砵仔糕得返黑糖同芝麻，試左芝麻非常香，不過偏甜~反而最驚喜係支桃膠紅棗桂圓，野飲好有住家feel唔甜濃味又足料，15蚊支初時覺得偏貴，但對比起連鎖式涼茶鋪，佢真係抵晒!如果入開黎大埔會再幫襯過，我自己覺得賣到最後既款一定係冇咁搶手，所以下次要早啲入黎試晒佢d招牌!門口賣砵仔糕d員工有d雞手鴨腳又唔多理野咁，反而老板娘真係好nice，係入面雖然勁忙，但都睇得出佢盡量想同客有交流有互動會招呼下，讚呀～