FIVE GUYS

營業中

休息中

Five Guys雖然係快餐連鎖店，但佢嘅裝修真係好靚，好有美國快餐店嘅感覺。佢嘅紅白配色再加格仔pattern，會令我聯想起賽車方程式。一開頭我睇佢嘅menu睇到一頭霧水，因為佢all the way同customize 嘅items唔同，但正常all the way唔係應該包哂customize可以揀嘅野？但我覺得要逐樣料嗌好煩，所以都係叫左個cheese burger all the way算。落得慢少少個職員都變哂面，仲點敢再拖。佢呢度薯條要另外叫，冇得話加錢轉餐，咁我哋都叫左一份share。亦都另外叫左杯奶昔。佢呢度嘅奶昔有十幾種味可以揀，你可以隨心咁配搭。我諗你叫哂咁多隻味入同一杯都得嘅，但會唔會怪就唔知啦。我哋叫左最穩陣實冇死嘅朱古力同焦糖鹽味。佢個包皮都偏扁同冧，個牛肉都唔算厚但保持到有肉汁，其他都冇咩特別。個包都唔算大，就咁單叫都未必會夠飽。反而佢個薯條好好食！佢係連皮炸嘅薯條，我最中意食有皮嘅，薯條炸得脆再加埋個皮口感會更結實，好過食啲軟身得一大pat薯蓉喺入面嘅薯條。佢杯野飲都幾甜，唔知係咪因為我叫左嘅都係好甜嘅味嘅關係，不過有少少咸味中和下都ok嘅。