影片
更多
2012-01-27
41 瀏覽
本來一行六人去慶祝生日，見傳單標榜五星級大廚理酒店式自助餐，只需＄178一位需要加一服務費，同6時至10時不限時間任食，咪去試下囉，上到去見地方不算大，當時只有一兩枱客，可能時間太早，但為我地帶位嘅服務生，竟然安排我地六人坐一張好細嘅圓枱，（根本係只可以供四人用膳），咁我地立刻要求換枱，但服務生很不滿意地先幫我地換枱（仲唔禮貎咁同我地講：卡位唔方便喎，咁你地坐唔坐呀），咁都算啦（黎食野姐，食物好食就算啦）。 點知，當我地出去攞野食時，才發現根本貨不對版，傳單上嘅食物圖片不是當中一部份，竟然是全部，不是自助餐，是半自助，如果唔加錢，就只可以食，無甜品，無生果，無野飲，熱盤熟食只得六款（食物唔熱，豉油雞冀肉係梅，薯餅，三文魚骨及魚鮫，日式蒸蛋，清炒棷菜，不知名炒飯），湯烏冬或拉麵（湯係唔熱），10款沙律配料，六至七款壽司，四款魚生，四款海鮮（但係，生蠔明顯唔係新鮮，生蠔肉係全灰色，朋友食完後返屋企後，肚痛），三款日式小食，所有食物款式不過40款。 就算加錢（約＄10至＄80），都只不過多一碟熟食（＄10係肥牛鍋或意粉，＄80係一件肉眼扒）同一件雪糕蛋糕，要再加＄15
本來一行六人去慶祝生日，見傳單標榜五星級大廚理酒店式自助餐，只需＄178一位需要加一服務費，同6時至10時不限時間任食，咪去試下囉，上到去見地方不算大，當時只有一兩枱客，可能時間太早，但為我地帶位嘅服務生，竟然安排我地六人坐一張好細嘅圓枱，（根本係只可以供四人用膳），咁我地立刻要求換枱，但服務生很不滿意地先幫我地換枱（仲唔禮貎咁同我地講：卡位唔方便喎，咁你地坐唔坐呀），咁都算啦（黎食野姐，食物好食就算啦）。
點知，當我地出去攞野食時，才發現根本貨不對版，傳單上嘅食物圖片不是當中一部份，竟然是全部，不是自助餐，是半自助，如果唔加錢，就只可以食，無甜品，無生果，無野飲，熱盤熟食只得六款（食物唔熱，豉油雞冀肉係梅，薯餅，三文魚骨及魚鮫，日式蒸蛋，清炒棷菜，不知名炒飯），湯烏冬或拉麵（湯係唔熱），10款沙律配料，六至七款壽司，四款魚生，四款海鮮（但係，生蠔明顯唔係新鮮，生蠔肉係全灰色，朋友食完後返屋企後，肚痛），三款日式小食，所有食物款式不過40款。
就算加錢（約＄10至＄80），都只不過多一碟熟食（＄10係肥牛鍋或意粉，＄80係一件肉眼扒）同一件雪糕蛋糕，要再加＄15才可任飲汽水，再加＄18一碟心太軟配雪糕，加下加下，連加一都要＄250至＄320，但只不過食多兩三款野，值得咩。
在用膳期間，不斷聽到隔離左右嘅食客一樣咁抱怨，又貴又唔好食，又無款式，咁個錢去尖沙咀食都得啦（例如：大X屋食放題），連NewXX 唱K-Buffet都好過佢。
真係無下次。
張貼