影片
更多
2017-08-10
10046 瀏覽
聽人說這間好味道。既然係佐敦開咗分點，一定要帶老爸老媽去試啦。約咗19:45，早到了，所以係門口等一陣。一入去就會見到放嘢食既地方。中間係熟食，門口位係冷盤，後面係d流質食物加煎炸嘢。座位有點迫，一張大台幾組人坐，店員指示你去邊張枱，係唔會帶位既。空間有限，所以老人家出入攞嘢要小心一點。入座後就可以去攞嘢食啦。首先去後方攞嘢飲先。不過所有飲品熱到爆，只有玻璃o個個好少少，但都好熱。等咗好耐仍然熱到燙手，所以我兩個鐘只飲得一杯半既雞骨草。真係要改善下！不過，雞骨草清清地唔苦，幾好飲。還有有湯有紅豆沙，媽咪兩樣都有食，佢話唔錯喎。隔離就係煎炸區，煎炸嘢得兩個頭頂燈照住，有心理準備一定會凍咗，我食既時候就係咁，所以唔好味。想要食好既就要食物一上台就攞。到冷盤區，冷盤區最迫人，好快俾人清晒。但refill速度快，所以唔使怕。啡色的唔知咩來，無咩味但好爽口。依兩盤全程無人食。青瓜酸酸地，但我同家姐都食到有怪味，唔好食。依個迷你芝士撻個人覺得係全場最好味既，熱，咬落去唔硬，芝士彈下彈下，好有芝士味。所以一上場就俾人掃晒。依個入面係香蕉，幾得意。生果、沙津係自助餐入面實唔會少。兩樣都清甜。不過木瓜好
一入去就會見到放嘢食既地方。中間係熟食，門口位係冷盤，後面係d流質食物加煎炸嘢。
座位有點迫，一張大台幾組人坐，店員指示你去邊張枱，係唔會帶位既。空間有限，所以老人家出入攞嘢要小心一點。
入座後就可以去攞嘢食啦。首先去後方攞嘢飲先。不過所有飲品熱到爆，只有玻璃o個個好少少，但都好熱。等咗好耐仍然熱到燙手，所以我兩個鐘只飲得一杯半既雞骨草。真係要改善下！不過，雞骨草清清地唔苦，幾好飲。
還有有湯有紅豆沙，媽咪兩樣都有食，佢話唔錯喎。
隔離就係煎炸區，煎炸嘢得兩個頭頂燈照住，有心理準備一定會凍咗，我食既時候就係咁，所以唔好味。想要食好既就要食物一上台就攞。
到冷盤區，冷盤區最迫人，好快俾人清晒。但refill速度快，所以唔使怕。啡色的唔知咩來，無咩味但好爽口。
依兩盤全程無人食。
青瓜酸酸地，但我同家姐都食到有怪味，唔好食。
依個迷你芝士撻個人覺得係全場最好味既，熱，咬落去唔硬，芝士彈下彈下，好有芝士味。所以一上場就俾人掃晒。
依個入面係香蕉，幾得意。
生果、沙津係自助餐入面實唔會少。
兩樣都清甜。不過木瓜好味d。
冬瓜盅都係搶手貨。好辛苦先攞到碗俾媽咪，好多料架。佢話好好味。
到熱食啦，全部都係菜!菜!菜! 唔同種類既菜。仲有飯呀、餃子、麵呀。每次refill 都可能係新嘢食，所以好多都無影到。
右手邊餃子媽咪好鍾意食，食咗幾隻，但我覺得皮太厚了，普通。
菜唔好預佢好似有幾菜咁新鮮。有d老，老爸就咬唔到。我見同台既中年人都咬唔到，吐到一枱都係。
最後食飯流程。食完要自己執嘢呀。
記住要分類好，我見有人唔理係咁亂倒，好心做多步啦！
最後價錢。唔加一既。
題外話/補充資料：
價錢平，食物款式多，唔要求高質素的話，係好抵下。而且佢好似無限你時間，唔知係唔記得講定真係無。所以平時唔想食肉既可以去。不過記得食完分類好執餐具！依個都係好好既體驗。
(以上食評乃用戶個人意見 , 並不代表OpenRice之觀點。)
張貼
