酷廚 (已結業)

早兩晚帶埋亞女出去長沙灣接太太放工，俾個驚喜佢，夜晚諗唔到去邊度食，就去咗啲D2嗰邊行吓，搵吓有咩好食，結果就去咗呢間酷廚度食。先講裝修方面，基本上可以話係冇咩裝修，水泥地白色牆，冇咩特別，不過坐落都算幾舒服。我哋一家三口好，叫咗三個晚餐，包括：青咖喱雞飯、法式羊架同埋帶子龍蝦汁扁意粉，先講青咖喱雞飯，個咖喱汁味道唔錯，但啲雞就比較鞋口。龍蝦汁扁意粉味道都唔錯，份量就一般。至於法式羊架就真係一般般，羊架冇乜味道，而且都煮得太過熟，令到質感變差，總括來講食物質素一般，下次未必會再幫襯。