影片
更多
2012-03-12
20 瀏覽
成日都聽D同事講話好食,上嚟依度又睇到唔少好嘅食評,終於襯住特別日子,俾個藉口自己訂枱試試!果日訂左第二輪,1920去到,果時巳經成個門口都係人,去到問下D WAITRESS姐姐訂左枱,駛唔駛排隊,原來都係要嘅!1930準時入餐廳,坐低左,二話不說就走左去排生蠔果條隊,因為好多人都話好食!初初排隊都OK,我第一轉只係排左5分鐘左右,但係到之後果兩轉,每次平均都要排15分鐘,得2小時30分鐘食自助餐,咁排法真係唔係好化算!!!!!!!但係見到個生蠔師父已經不停咁開,要排隊都無辦法,我諗要加速取蠔速度,可能要加多個開蠔師父同埋一個洗蠔助手!之後再食第二樣多人排隊嘅野~剌身!剌身種類都算多8-9款,咁我就梗係食D比較回本嘅剌身啦!來來去去都係海胆,帶子,甜蝦同三文魚!海胆好好食,堅好食!攪到我都食左四轉,因為排時間比較短,都係排5分鐘左右,總比生蠔快!而其他嘅三文魚好肥美,帶子同甜蝦亦不錯,但係喺"臉書"D朋友講話以前D甜蝦係大隻版本,正好多!依次好細隻!跟住就轉攻長腳蟹,自從幾年前去北海道食完,返到香港幾年,見到都懶得食,因為要拆殼先有得食,但係個個都推介長腳蟹,唯有懶都要出下手,試過之後
初初排隊都OK,我第一轉只係排左5分鐘左右,但係到之後果兩轉,每次平均都要排15分鐘,得2小時30分鐘食自助餐,咁排法真係唔係好化算!!!!!!!但係見到個生蠔師父已經不停咁開,要排隊都無辦法,我諗要加速取蠔速度,可能要加多個開蠔師父同埋一個洗蠔助手!
之後再食第二樣多人排隊嘅野~剌身!剌身種類都算多8-9款,咁我就梗係食D比較回本嘅剌身啦!來來去去都係海胆,帶子,甜蝦同三文魚!海胆好好食,堅好食!攪到我都食左四轉,因為排時間比較短,都係排5分鐘左右,總比生蠔快!
而其他嘅三文魚好肥美,帶子同甜蝦亦不錯,但係喺"臉書"D朋友講話以前D甜蝦係大隻版本,正好多!依次好細隻!
跟住就轉攻長腳蟹,自從幾年前去北海道食完,返到香港幾年,見到都懶得食,因為要拆殼先有得食,但係個個都推介長腳蟹,唯有懶都要出下手,試過之後,原來有D野真係唔懶得,真係幾好食,長腳蟹凍凍的,但係食落一D雪味都無,而且肉質都好新鮮,蟹汁仲好JUICY,拆到成手都係蟹汁,正正!!!!
食完一輪冷盤,終於轉食熱食,熱食種類不多,不出十步都睇哂,唯一一樣值得注意嘅就係個鵝肝,雖然本人什少食鵝肝,因為製造過程極度殘忍,不過又係果句,俾左錢,試下啦!試左第一塊,鵝肝配合醬料,甜甜的,再配合脆麵包,入口絕不油膩,正!又攪到我食左兩轉,而同時配給嘅佐賀和牛,只屬一般!
食完一輪,終於到甜品啦!首先就食左個心太軟,心太軟個心焗得太耐,攪到心太軟變左心太硬,只有少少朱古力漿,好少,真係好少,希望下次會好D!
而其他嘅甜品不過不失,如果你個胃已經無咩位,一定要留返少少位俾"北海道牛奶布丁",依一款布丁,每出一轉,D人好似傻左咁衝去搶來食,唔係吹水,真係好瘋狂,我兩公婆好辛苦先取到兩轉!
之後時間又差唔多,又要走人啦!
題外話/補充資料：
如果平日食第一輪,我會覺得係抵食,但係食星期五六日,第二輪,我會覺得太貴!唔太值,因為已經收緊酒店自助餐嘅價錢!平日,我會再去幫襯!
(以上食評乃用戶個人意見 , 並不代表OpenRice之觀點。)
張貼
