在家居酒屋 (已結業)

大圍區較為有質素嘅日本料理唔多，幾年前幫襯過一次，印象唔錯，係值得支持嘅小店。平日有午市套餐，點了滑蛋豬扒飯，跟味噌龍蝦湯同沙律。似乎質素比以前下滑了。其實跟大部份香港嘅日式餐廳一樣，滑蛋豬扒飯裏面嘅蛋並唔滑，係全熟蛋。跟餐嘅味噌龍蝦湯唔錯，有龍蝦味，不過沙律嘅dressing唔夠，好似食緊淨菜咁樣。雖然係日本米，但係米粒鬆散，勉強可以夾起嚟，豬扒正常。原來午市都有+1收費，但係餐牌上面並沒有清楚列明。最後埋單$86 ，以呢個地區位置，午市收呢個價錢，應該有其他更好嘅選擇。