影片
更多
2013-09-13
104 瀏覽
次次想唔到食乜之時, 就梗係去和民, 連鎖店有好處, 就係品質穩定, 就好似麥當當咁, 次次都係同一樣的質素, 當然唔係好既質素啦, 但勝在次次都可以做到一樣咁上下差既質素, 都唔易喏.坐低, 例牌叫杯餐酒, 全期買一送一, 紅白各一杯, Jacob’s Creek, 呢隻牌子既細樽仔175CL, 最平都要廿幾蚊, 依家$38可以有一紅一白, 算抵啦.芥末辣鱆魚, $26, 份量足, 鱆魚口感彈牙, 但味道淡不夠濃, 伴碟的紫蘇葉唔新鮮, 見到葉邊有暗色現象, 本來用作包住鱆魚入口一流, 但唔新鮮, 唔敢食了.和民特製蔥油汁炸雞, $38, 生意佬又嚟嚇人了, “特製蔥油汁”?? 其實只係豉油加醋, 再洒些少蔥花. 味道酸酸, 確實幾醒胃, 但雞件炸起, 放置太耐, 到來時, 入口已經唔夠熱, 炸粉亦開始變得軟身, 有汁部分更加濕濕淋淋.特濃蕃茄火鍋, $63, 材料有, 蝦兩隻, 有驚喜, 唔係一般街市既蝦品種, 而係類似IKEA出售既北極蝦種, 有大量蝦子, 可惜蝦肉極差, 鞋口兼唔彈牙. 牛肉一般, 肥多過瘦, 不過份量不多, 肥都照食晒了, 算合格貨色. 四隻小蜆, 肥美肉厚.
坐低, 例牌叫杯餐酒, 全期買一送一, 紅白各一杯, Jacob’s Creek, 呢隻牌子既細樽仔175CL, 最平都要廿幾蚊, 依家$38可以有一紅一白, 算抵啦.
芥末辣鱆魚, $26, 份量足, 鱆魚口感彈牙, 但味道淡不夠濃, 伴碟的紫蘇葉唔新鮮, 見到葉邊有暗色現象, 本來用作包住鱆魚入口一流, 但唔新鮮, 唔敢食了.
和民特製蔥油汁炸雞, $38, 生意佬又嚟嚇人了, “特製蔥油汁”?? 其實只係豉油加醋, 再洒些少蔥花. 味道酸酸, 確實幾醒胃, 但雞件炸起, 放置太耐, 到來時, 入口已經唔夠熱, 炸粉亦開始變得軟身, 有汁部分更加濕濕淋淋.
特濃蕃茄火鍋, $63, 材料有, 蝦兩隻, 有驚喜, 唔係一般街市既蝦品種, 而係類似IKEA出售既北極蝦種, 有大量蝦子, 可惜蝦肉極差, 鞋口兼唔彈牙. 牛肉一般, 肥多過瘦, 不過份量不多, 肥都照食晒了, 算合格貨色. 四隻小蜆, 肥美肉厚. 蕃茄湯真係極濃, 茄醬落得十分重手, 上檯時唔夠湯, 要另叫一杯熱水, 倒入熱水後, 入口仍然十分濃味. 火鍋追加白飯, 送雞蛋和湯底, $26
串燒味噌飯團, $28, 呢個好嘢嚟呀, 一上檯時, 已經感到熱呼呼了, 入口果然熱騰騰, 表面燒得又香又脆, 加了一些味噌溶的醬汁, 放了些蔥花, 相比起$16一碗白飯, 這碟收$28, 實在超值.
張貼
