小野人

營業中

休息中

主打台式夜市風味特色串燒，裝修以淺木色主調、捕夢網作裝演，打造出充滿台灣特色、舒適的用餐環境，每張枱會有個小火爐為串燒保持溫度，慢慢食都冇問題～ᴗ̈ 大漠烤羊排製作需時30分鐘，一拎上枱已經聞到好香，用孜然粉及辣粉作調味，灑上蔥花，外皮烤到脆脆的，肉質鮮嫩多汁，油脂豐富，好香羊肉味，十分惹味，而且好大份！ᴗ̈ 串燒叫咗虎皮尖椒、墨魚丸、雞軟骨、娃娃菜、大漠羊肉串，調味適中，辣辣地，好惹味雞軟骨燒到焦香，好脆口烤大漠羊肉串，肉香味幾濃，唔粉，okᴗ̈ 麻吉年糕燒 煙煙韌韌，點啲沙糖同煉奶，幾好味，但好飽肚😂ᴗ̈ 香辣烤滷猪手 猪手好入味，Q彈多肉，好夠辣ᴗ̈ 森林元氣水果茶超大杯，百香果味好突出，走甜都好好飲ᴗ̈ 檸檬梳打食串燒，配返一杯大大杯嘅梳打，爽呀！整體來講，食物有質素，全部都係即叫即整，串燒調味適中，唔會好濃味，下次可以再食！