味千拉麵 (第一城中心) (已結業)

見有一段時間冇去過味千食拉麵，今日經過沙田專登去試下。今次點咗全盛拉麵、吉列豬扒拉麵，小食叫咗蒜片牛柳粒同埋煎蝦餅，飲品就叫咗兩杯凍水果茶。 全盛拉麵入面有好多材料，有蟹柳、叉燒、粟米、吉列蝦、同埋芝士獅子狗卷，每一樣材料個質素都好高，叉燒夠冧夠入味，芝士獅子狗卷就熱辣辣，入面d芝士溶溶地口感一流 ，吉列蝦就好香脆。而另外一碗吉列豬扒拉麵個豬扒就超大塊，而且甘香鬆脆，豬扒又夠厚夠juicy，湯底就辣嘅，夠曬刺激，喺夏天食夠哂開胃。總括嚟講兩個拉麵嘅麵底都好有傳統日本風味 ，而且湯底亦如是，有機會一定會再嚟食。而蝦餅就煎得金香可口，特別要重點推介蒜片牛柳粒，跟鐵板上真係冇得輸，可能係用咗上等和牛柳粒關係，牛柳好冧好有牛味，跟埋炸蒜片食絕對食到停唔到口，兩杯新產品凍水果茶解暑之選，甜甜酸酸好好味。