一品雞煲火鍋

營業中

休息中

之前食過幾次一品雞煲，一直印象都係好味不過有啲貴，今次星期五晚去，預咗會好多人所以訂咗位，但係基本上食完啲座位都無滿過。個底叫咗牛什雞煲，小辣，不過都已經好辣，啲料都幾足，雞同牛什夠四個人食都仲有剩，可惜嘅係得辣同咸味，啲料都係好基本。因為個煲都好大份，所以叫咗唔多火鍋料，嚮鈴、四寶丸、雲呑、黑毛豬同菜。四寶丸當中，最好味就係墨魚丸，而雲呑都比睇落去好食，另外，黑毛豬都好失望。飲品就叫咗葡萄籽同青檸水，葡萄籽值得一試（初時以為係利賓納）！