吉壽日本料理 (已結業)

旺角區嘅日式放題店全港最多，質素方面集團式經營嗰幾間都會比較穩陣，好少伏。我自己都會選擇坐得比較舒適嘅放題店，吉壽自從幾年前裝修過之後比我嘅印象好好，卡位多咗，私隱度高咗，坐得好舒服，特別係疫情期間，感覺比較食得放心。但今次嚟到比到我嘅印象就麻麻，可能疫情穩定咗，又有消費券，多咗人出街消費，食嘢。疫情開始之後我都去過4-5 次，嗰陣呢度冇咁多人，2個人都會比4人座，3/4人會比6人座，但今次2人只可坐2人坐，即4人座一分為二，要同人搭枱，咁就坐得冇咁舒服，枱變得好細，可以擺放嘅食物唔多，每次都唔敢點太多食物，冇位放。食物質素方面感覺差咗啲。翠玉瓜有仲鑊屎燶味overcook咗。飲品方面好似選擇少咗，康師傅真係麻麻地，又好似冇解茶。$175 價錢嚟講算好抵食(17:00-19:00)另外收碟嘅速度真係要讚，效率極高，完全唔使自己開聲叫佢收碟。