熱菇喲 (已結業)

呢期留家太悶， 終於有時間和心情去尋找美食，但又驚去人多的餐廳，今次我選擇了餐廳名夠特別的小店來食， 估唔到有驚喜喎。比目魚西京燒 ~ 必點，燒得面脆內滑， 我還主動要求加點沙律醬點來食，冇得輸呀。汁燒雞扒 ~ 濃郁的燒汁去燒雞扒。唐揚雞柳 ~ 薄薄的炸醬，啖啖肉。燒飯糰 ~ 估唔到又燒得唔錯喎。清酒煮蜆 ~ 蜆肉冇沙，加菇清酒去煮，食時啖啖酒香又唔會醉。雞肉溫泉玉子沙律 ~ 好欣賞個沙律夠fresh 用溫泉蛋去拌勻沙律已經好清甜。稻庭烏冬(冷) ~ 唔洗講啦！夠彈牙 😀牛舌 ~ 好有質感，好咬口 😍A5和牛粒 ~ 一粒一粒放入口， 小小juice 大葱雞肉 ~ 一定要一口大葱連雞肉一起夾住食先夠豪起。蘆筍豚肉卷 ~ 蘆筍清脆小小的豚肉包著唔錯。一間有質素的小店，好岩座低慢慢嘆一串串新鮮燒好的美食，再一路吹水就最好不過， 但留意最好分開幾次落單，因為一燒完即食係最好味的，差唔多食哂就叫下round 咁就very good 。