影片
更多
2020-10-03
42 瀏覽
雖然好耐冇去過土瓜灣，但係都聽朋友講呢度有好多唔同有特色嘅餐廳。咁岩見到呢一間日本餐廳，無論係個格調定係餐牌都好符合我今日嘅心情，所以就入咗去食啦！我同朋友兩個各自嗌左一個set，個set望落去好豐富，又有茶碗蒸、麵豉湯、主食、沙律、水果等等，而且完全係色香味俱全！淨係講我嘅壽司set先，佢大拖羅上面竟然仲有啲金箔，而且口感簡直係入口即溶，冇咁之餘仲要壽司飯都處理得好好，好有醋味！而茶碗蒸方面都好足料，有魚蛋、蟹肉、蝦等等，而且都做到好滑身🤩麵豉湯方面係偏甜個種，入面仲有啲蜆肉！朋友就嗌左月見鵝肝牛肉飯，個鵝肝有成塊手掌咁大，而且處理得好好，好入味！啲牛肉脂肪比例都做得啱啱好，啲飯粒都做到粒粒分明，好想一啖接着一啖咁食！餐廳嘅環境同服務都好好， 裝修好有日本嘅格調，就連廚師嘅態度都好好🤩
淨係講我嘅壽司set先，佢大拖羅上面竟然仲有啲金箔，而且口感簡直係入口即溶，冇咁之餘仲要壽司飯都處理得好好，好有醋味！
而茶碗蒸方面都好足料，有魚蛋、蟹肉、蝦等等，而且都做到好滑身🤩麵豉湯方面係偏甜個種，入面仲有啲蜆肉！
朋友就嗌左月見鵝肝牛肉飯，個鵝肝有成塊手掌咁大，而且處理得好好，好入味！啲牛肉脂肪比例都做得啱啱好，啲飯粒都做到粒粒分明，好想一啖接着一啖咁食！
餐廳嘅環境同服務都好好， 裝修好有日本嘅格調，就連廚師嘅態度都好好🤩
張貼
