有蒸氣 海鮮石鍋專門店 (已結業)

諗起好耐冇食蒸氣火鍋，所以今日就約咗朋友去試一間位於尖沙咀嘅食肆，個名幾得意，叫做有蒸氣海鮮石鍋專門店。店舖位於尖沙咀天文台圍一間酒店內，地點都幾隱蔽，食肆面積不太大，但間有好多間廂房，不過我哋得兩個人，就揀咗在開放區進食。呢間石鍋專門店有多款套餐可供選擇，今次我哋就選擇咗每位$328嘅套餐，個套餐除咗有好多海鮮外，仲可以揀湯底或粥底，我就揀咗粥底+蕃薯+排骨。先來兩碟前菜，花生和拍青瓜，花生幾香口，但拍青瓜對於我嚟講就太辣喇！不過朋友就好喜歡，仲清曬碟添。侍應先將米、蕃薯和排骨放鍋中，加上蒸架就可以開始蒸海鮮喇，每蒸完一款海鮮，就將海鮮夾畀我哋食，而蒸海鮮剩餘嘅汁液就倒落粥鍋內，所以呢窩粥係集合哂所有海鮮嘅精華。沙包蜆 、大連鮑魚蜆好大隻，無沙，鮑魚配蟲草花嚟蒸，清甜又滋補。竹串海中蝦海蝦唔算大隻，不過好鮮味。日本元貝元貝用蒜蓉蒸，惹味。清蒸美國桶蠔 桶蠔肥美，加入薑絲蒸，一啲都唔腥。手剁豬肉丸、墨魚丸 肉丸彈牙，應該係自家製。鮮魷好爽脆，食完海鮮食清甜嘅勝瓜，感覺好清新。食完曬所有蒸海鮮之後，侍應就幫我加入葱、大頭菜……等配料煮粥，不到十分鐘，就有一鍋充滿海鮮湯底嘅香甜美味蕃薯排骨