影片
更多
2014-04-06
2744 瀏覽
先嗰排為咗同Babe P小姐慶祝生日，就上Open Rice搵邊度有好嘢食。由於我同P小姐都係住新界偏遠地區，所以揀咗位於尖沙咀嘅〖和幸吧〗日式燒烤，方便大家食完散水返屋企。其實依次飯局都約得比較急，照博一鋪Book禮拜五晚8點，幸好都店員話室外仲有位。當日店員除左會打嚟confirm booking，店員亦會預早5~10分鐘再打嚟confirm一下你嘅位置。全部對話店員態度都好nice.上到去地方都算大，室外大約可以坐5~6枱左右，但所謂室外其實都有瓦遮頭，就算落雨都唔怕。到處掛上好有日式風味嘅紅燈籠，感覺似去咗居酒屋。打開餐牌，見到最貴都＄528就有一盤特選肉盛燒烤拼盤。價錢比和宴平，算係幾合理！點完餐，店員送上一杯前菜，有青瓜、甘荀等，仲附上一碟好似麵鼓。唔係用一般嘅石油氣／煤氣爐，而係選用類似炭精去燒，感覺幾得意～等上菜期間，店員主動幫我加咗一個膠墊，遮住我嘅手袋，非常貼心呀！好喇～係時侯睇下我哋點咗咩菜喇！第一個就係『日本蕃茄沙律』。一般生蕃茄，都有陣蔬菜嘅腥味，但依個蕃茄沙律完全冇依陣味。加上日式芝麻醬唔太濃，食落去好fresh～我哋點咗左圖嗰個『海鮮黑毛和牛盛』，隻蝦大到
其實依次飯局都約得比較急，照博一鋪Book禮拜五晚8點，幸好都店員話室外仲有位。當日店員除左會打嚟confirm booking，店員亦會預早5~10分鐘再打嚟confirm一下你嘅位置。全部對話店員態度都好nice.
上到去地方都算大，室外大約可以坐5~6枱左右，但所謂室外其實都有瓦遮頭，就算落雨都唔怕。到處掛上好有日式風味嘅紅燈籠，感覺似去咗居酒屋。
打開餐牌，見到最貴都＄528就有一盤特選肉盛燒烤拼盤。價錢比和宴平，算係幾合理！
點完餐，店員送上一杯前菜，有青瓜、甘荀等，仲附上一碟好似麵鼓。
唔係用一般嘅石油氣／煤氣爐，而係選用類似炭精去燒，感覺幾得意～
等上菜期間，店員主動幫我加咗一個膠墊，遮住我嘅手袋，非常貼心呀！
好喇～係時侯睇下我哋點咗咩菜喇！第一個就係『日本蕃茄沙律』。一般生蕃茄，都有陣蔬菜嘅腥味，但依個蕃茄沙律完全冇依陣味。加上日式芝麻醬唔太濃，食落去好fresh～
我哋點咗左圖嗰個『海鮮黑毛和牛盛』，隻蝦大到呢⋯⋯有一隻手掌咁長呀～ 如果鍾意食牛嘅朋友可以叫右圖嗰一款『極上黑毛和牛盛』，就咁睇落去D牛肉脂肪分佈的好均勻！可惜依一盤唔係我哋叫，係送錯咗，oops~
依碟就係螺肉，比想像中嘅份量算多
當然唔少得我最愛嘅清酒煮蜆啦～ D蜆都幾大隻，但略嫌清酒味唔夠
帶子只得2隻，唔夠喉呀
海鮮盛唔止有帶子，仲有蟹腳⋯⋯
由於T小姐唔食得牛嘅關係，所以我哋令另外咗碟『果味芝士雞腿肉 』。芝士並唔係藏係雞肉度，而係做成一個偏稀嘅白芝士汁。
仲有『汁燒厚切豚五花』，燒完之後都好juicy
食咁多熱氣嘢，當然要啤一啤佢啦～ 嗰晚3個人坐係度傾計，本身店員話限時食2小時，但最後都冇迫我地走，結果我同P小姐每人飲咗3杯大啤，今次真係肥爆喇！【總括食評】
味道：好過八盛，牛肉方面同和宴不相伯仲
環境：整體都唔錯，但嫌佢哋選用嘅櫈櫈背太矮，完全都唔可以倚住，想掛褸都好唔方便
服務：店員都好有禮貌，而且佢哋行過見我哋想夾起鐵板時，主動幫忙，又教我哋點咩醬汁會好食D
衛生：廁所衛生度唔錯，唔會淋泣泣，其他地方都冇乜問題
抵食：依餐我哋3個人食，埋單總共＄1,412，即是每人平均＄470左右，都唔算太貴！
有機會嘅話，我都想去多次！
張貼
