媽咪雞蛋仔 (已搬遷) 新店位置

食完蕃茄仔行過隔離就係媽咪雞蛋仔，口味有甜有鹹，款式超過10多款，最新就有法式檸檬芝士、牛油果朱古力，餐廳推薦粒粒朱古力、香蕉朱古力、雙重芝士，價錢$20起，即叫即整，需時等候粒粒朱古力 $25雞蛋仔用手抽袋住，好特別設計🤣底部位置設有氣洞，熱辣辣雞蛋仔可以疏氣，唔會焗住，保持香脆，手抽設計亦唔怕攞時會壓扁左佢，幾貼心，不過食用時就有點不便，比較難推上去🙈完整一底雞蛋仔，冇散開一粒粒，外皮烘烤得好靚🥰脹卜卜之餘邊位都係好脆，粒粒朱古力好足料，有別於加入朱古力粉製作蛋漿的做法，朱古力味好濃，口感有點似麻糬，中心軟熟帶點煙韌，仲見到少少流心朱古力，整體不會甜膩