慶麵 (已搬遷) 新店位置

佢地剛剛搬左奧利坊，原來出名態度差，如果早知就唔去了，食完一肚氣。行過見到啲冷面好似好多選擇，仲有醉雞同小籠包，諗住入去試試。入到去我地就拎台面點心紙寫野，突然有有人掟個QR code話要手機落單，重點係佢「掟過黎」。佢寫明兩款茶是三蚊，枱面就有水，但留意佢地係水都會收錢，唔會問你飲咩茶，總之點都會有個三蚊，俾錢個陣問佢，佢話「我地唔記得問你，但總之飲水都要俾茶錢，好似你去飲茶咁，入到黎，唔飲都要俾」但茶樓唔會唔記得問囉。話佢態度唔好，又會掟啲單俾客，佢話係咁，仲叫我下次再去。門口寫明tea係收錢，好似無寫water,但最唔順係啲人態度是做漏野又唔應，希望老闆會檢討一下。啲野食黎到，個碗邊周圍都係油，連個碗出面都係，（有圖有真相），之後我地摷左四個餐櫃都搵唔到枝乾淨匙巾，最後要用熱水自己洗。其實味道唔差，如果唔係呢啲人事問題咁，不過睇黎老闆都唔志在。