順興海鮮飯店 (已結業)

一行五人遊覽住梅窩諗住大排檔會有好嘢食，咁就食咗呢間比較出名嘅順興。我哋叫咗個四人套餐再散叫一啲食物，點完餐阿姐都話今日出賽會比較慢因為好多客。咁OK啦我哋咪等囉，結果等咗一個鐘頭都仲未出菜，連套餐包嘅例湯都冇出。慢都唔係最衰，而係套餐本來有椒鹽賴尿蝦，但上菜嘅時候阿姐淨係掉低咗一碟白灼蝦，話冇晒賴尿蝦。但過程中冇職員同過我哋講冇賴尿蝦問我哋想轉啲咩，淨係逼我哋去接受嗰啲玩咁都冇嘅白灼蝦，而呀姐係聲稱有成一斤。總括而言，未試過食餐飯食到咁嬲不歡而散，永遠唔會再食。