花見月 (已結業)

前幾日中秋節正日，同班同事打算一齊食午飯過下節，行曬成個科學園都無位，度度都要等位，最後去咗呢間只需要等一張枱嘅花見月，真心無下次。望住餐牌揀完一輪，唔想食生野又唔想食飯，於是點咗個以為穩陣嘅日式牛肉湯烏冬，點知碗野一上枱就知道伏，完全唔想食。成個湯全部都係油不特止，仲要啲牛肉係最劣等嘅肥牛，又肥又多筋，有六至七成嘅肉根本食唔落口，吐嘅仲多過食落肚。食得落口嗰三四成，都係無牛肉味，唔知食緊乜。大拿拿89蚊一個烏冬，仲要加一，即係講緊一百蚊咁上下嘅價錢，竟然質素咁差，離晒譜。呢間野一定無下次。