影片
更多
2016-03-11
876 瀏覽
四年只有一次嘅29/2，一班人搵地方飲茶，去到要攞飛等位，好在5分鐘左右有位，地方裝修新潮，中式氣氛，燈飾特別， 其中有種半圓絨面嘅卡位！幾特色！不過我哋人多，所以無機會坐！坐低店員問晒我哋要嘅茶，我哋問佢攞大碗洗餐具，佢比一個玻璃碗，唔係好大，點夠我哋9個人，加上啲碗筷真係好污糟，全部黏滿乾咗嘅食物殘留物！隔咗好耐都未見茶到，再問店員先攞來！仲跟一個大保溫瓶！唔使成日叫店員加水！點心款式有啲幾特別，點心好快上！ 沙巴海蝦餃：蝦餃脹卜卜，皮煙韌，蝦爽口，有肉汁好味！ 蠔皇叉燒包：包身鬆軟，叉燒甜膩！好味！醬皇金錢肚：金錢肚炆得淋兼入味！好味！薑蔥牛柏葉：牛柏葉有陣喇口嘅味！漂得太勁，差差差！香滑奶皇包：包身鬆軟，奶黃少又唔香，啞色唔流心，一般懷舊四寶雞扎：好大扎，食了火腿，火腿彈口有肉汁好味！南翔小籠包：賣相醜樣，尤其係個皮，又厚又泡，肉汁又唔多！差！山竹牛肉球：牛肉球滑，馬蹄爽口，最好味嘅係索晒肉汁同喼汁嘅腐皮！好味！養生棉花雞：棉花多，索晒汁，爽口好味！鮮蝦仁腸：賣相醜樣！腸粉皮唔夠滑，蝦仁爽口，一般！蟹籽燒賣：蟹籽蒸過唔脆！燒賣唔大粒，蝦肉爽口，豬肉多肉汁，皮薄多汁！好味！香茜
去到要攞飛等位，好在5分鐘左右有位，
地方裝修新潮，中式氣氛，燈飾特別，
其中有種半圓絨面嘅卡位！幾特色！不過我哋人多，所以無機會坐！坐低店員問晒我哋要嘅茶，我哋問佢攞大碗洗餐具，佢比一個玻璃碗，唔係好大，點夠我哋9個人，加上啲碗筷真係好污糟，全部黏滿乾咗嘅食物殘留物！
隔咗好耐都未見茶到，再問店員先攞來！仲跟一個大保溫瓶！唔使成日叫店員加水！
點心款式有啲幾特別，點心好快上！
沙巴海蝦餃：蝦餃脹卜卜，皮煙韌，蝦爽口，有肉汁好味！
蠔皇叉燒包：包身鬆軟，叉燒甜膩！好味！
醬皇金錢肚：金錢肚炆得淋兼入味！好味！
薑蔥牛柏葉：牛柏葉有陣喇口嘅味！漂得太勁，差差差！
香滑奶皇包：包身鬆軟，奶黃少又唔香，啞色唔流心，一般
懷舊四寶雞扎：好大扎，食了火腿，火腿彈口有肉汁好味！
南翔小籠包：賣相醜樣，尤其係個皮，又厚又泡，肉汁又唔多！差！
山竹牛肉球：牛肉球滑，馬蹄爽口，最好味嘅係索晒肉汁同喼汁嘅腐皮！好味！
養生棉花雞：棉花多，索晒汁，爽口好味！
鮮蝦仁腸：賣相醜樣！腸粉皮唔夠滑，蝦仁爽口，一般！
蟹籽燒賣：蟹籽蒸過唔脆！燒賣唔大粒，蝦肉爽口，豬肉多肉汁，皮薄多汁！好味！
香茜牛肉腸：腸粉唔夠滑，牛肉唔夠多，豉油微鹹！一般
白灼時蔬：菜心灼得略老，豉油汁微鹹吊味！菜心大棵，又唔剪開，食時唔方便！
冰燒三層肉（$88）賣相靚仔，燒肉切成正方形，皮脆肉嫩，仲好肥美！燒得好味，可惜黃芥辣太多油，本來用熟油贊面，可能增加香味！但點嘅時候只點到油，芥辣完全醮唔起！所以吊唔到味！
舟山海蜇頭（$58）份量唔多，有雲耳青瓜同海蜇頭，海蜇頭有咬口，雲耳爽口，青瓜新鮮爽脆！醃得微酸開胃！好味！
燒汁煎包：見旁邊嘅客人叫，賣相幾特別，一個熱石碗放3個包子，用洋蔥絲同青蔥墊底，增加香味！不過點菜時以為係上海生煎包，點知食落係叉燒包，叉燒微甜有咬口！包子鬆軟但唔熱，熱嘅係石碗，只有貼住石碗嘅包身先熱，所以幾失望！茶位每人$7，菜係用大黃金屬壺，比平常見茶壺盛載得多！茶葉落得多！茶幾香！
食物唔錯，點心有特色，可惜店員唔夠，雖然有保溫瓶，都時不時要加水，都叫唔到人，雖然店員有禮，亦勤快！衛生又唔夠好！點心比其他酒樓貴，以呢個價錢，唔值！
張貼
