泡泡屋 (已結業)

有朋自遠方來, 想揀一間坐得舒服又好口碑的放題, 最終從朋友的推介中揀了'Bubbles Fine Dining Buffet'.地點位於尖沙咀金馬倫道, 總算方便就腳.餐廳環境不錯, 不過若人少, 如兩位, 大多安排坐四人檯的一邊, 所以當另外兩個位有人坐, 傾偈不是太方便(其實都算自己有張檯, 但所有二人檯均泊在一起...).先讚...刺身不俗, 尢其甜蝦, 油甘魚, 希靈魚等; 最重要是大大片厚切, 可謂大滿足!有別於一般的放題, 所點的食物均有上檯, 完全無漏單.燒物都不俗, 牛舌,安格斯牛柳串等都幾好食.天婦羅炸粉不會過多, 食落不會覺膩.要彈...很奇怪, 飲品龍蝦及甜品完全無紙填, 侍應們又完全不提.無意間見人點龍蝦所以即跟, 但侍應只問我要點煮, 並無提過要加錢... 再者, 龍蝦無特別, 噱頭成份居多.甜品只有雀巢雪糕, order紙無, 我們去洗手間經過走廊見到雪糕櫃才知道!相比起其他地方的方題, 這裡食物選擇明顯較少, 但論食物質素是不錯的, 畢竟加一後埋單要三百蚊一位都幾貴, 所值得與否, 見仁見智.