天香樓

營業中

休息中

說起杭州菜，相信在香港真係數一數二，但一直都沒有機會來一試；早幾日終於有機會約了幾個朋友來這裏一試。一間唔多起眼的食店，沒有人介紹，真係看唔出會這樣好。當晚我們叫了幾個小菜，而其中有幾味係我特別喜歡的，包括有龍井蝦仁、東坡肉、薰黃魚和花雕酒。龍井蝦仁- 蝦的腸也清潔得好乾淨，蝦肉新鮮彈牙，加上龍井的香氣，真係比很多地方都做得更加好食。東坡肉- 外皮很肥很滑，雖然個心真係好怕肥，但個口就唔多聽話的繼續食；瘦肉部份就很入味，但就比較韌了點點，實在有點可惜。薰黃魚- 真正野生的黃花魚，聽說真係賣少見少了，而且價錢真係一都唔平；雖然我只食了一點點，但那份魚肉的鮮味，加上煙薰過的魚皮，真係一試難忘。花雕酒- 第一次飲這種酒，真係幾特別的感覺；熱飲比較香濃，也較易上腦；凍飲就比較一般了點。所謂一分錢一分貨，想要食好點，當然要給多一點啦！今日一試，才真正了解到什麼是好的食物，雖然係貴了點，但就真係沒有來錯。