麵創坊 (已結業)

今日去吉之島買嘢,本身諗住買完嘢就食西餐,點知時間過晒,已經係下午茶時間,啲餐又唔多吸引,行晒4層吉之島都唔知食乜好,突然想起最近睇openrice麵創坊在十大好評之列,位置又近,所以就同老公仔前往,大約三時幾去到得一枱客,可能是下午茶時間啩,但是無下午茶餐口既(之前睇過食評話下午茶餐$20起,唔知係唔係因為是星期日關係呢!)不過抱住食好嘢,貴都無所謂心態就入咗去!我哋點咗牛坑腩魚片頭撈麵$68及雞扒湯幼麵配蝦子$40,跟住+$28配牛舌托及紅豆奶茶,先嚟牛舌托及紅豆奶茶,啲牛舌一啲硬一啲霖,真麻麻,杯紅豆奶茶,紅豆一啲味都無,跟手嚟雞扒麵,講真蝦子很少,雞扒都算OK,個麵味道普普通通,最後嚟撈麵,點解啲牛坑腩咁黐牙口既(啲食評講坑腩牛味濃郁有嚼勁口既),至於魚片頭無謂講,個撈麵開頭食都覺得幾好,因為個峇拉醬口既關係都幾香,但係食到一半就覺好油,埋單$136,講真真係好唔值!總結:買相唔錯,味道普通,價錢頗貴!