大呷台灣 (已結業)

情人節staycation前諗住求其食，叫左紅燒牛肉麵、鹽酥雞、溏心蛋肉燥飯、小籠包。紅燒牛肉麵正常，麵還好，牛肉正常，但98算貴。鹽酥雞ok幾好食，但份量少，68算貴，之後見到隔離枱份雞扒都係58，好似抵食好多。溏心蛋竟然無味，完全無諗過。小籠包塊皮好厚，厚到夾幾次都無穿，咬入去好少肉汁，味道正常。肉燥飯奇怪嘅味道，少少酸味。嘢飲應該係粉同濃縮果汁沖，好彩無叫奶茶。總括嚟講係難食，食材唔高質，埋單已差不多400。之後夜晚食酒店晚餐，無耐就肚疴，仲要2個一齊，酒店食物雖然麻麻但唔覺有怪，最有可能都係晏晝果餐，情人節一齊肚疴到第二日😭😭😭唔會有下次。