Godiva Chocolatier (海港城) (已搬遷) 新店位置

近月在openrice食評榜長期高居頭三甲的除了麵包舖便是Godiva，皆因有新產品軟雪糕推出。海港城分店長期有條長龍排隊買雪糕，有日夜晚十點幾見人不多（但依然要排！），決定一試。老實講，行到埋去見一杯軟雪糕要$39有點驚訝，畢竟見檯面的sample並非特別大杯，所以實在很想知道究竟貴在那個地方。實物如sample一樣的大小，但第一個問題是拍了幾張照片便發覺雪糕已經開始融化...入口的第一個感覺是奶味濃郁，質地細滑，略嫌朱古力味不夠濃；另外亦因為融的速度太快，食到第四五啖已經變成奶昔的口感... 不過軟雪糕上的朱古力漿及Godiva薄薄的招牌朱古力牌給予不同的味道及質感，挽回不少分數。軟雪糕當然要配脆筒，這個脆筒雖然有朱古力圍邊，但完全無特別。$39一杯軟雪糕屬高檔價錢，可惜質素並不如期理想，又或者可能期望太高罷...原來最貴始終是個牌子。