南小館 (已結業)

媽咪又唔煮飯！放工同屋企人系公司附近食野，因為要就我佢地選擇食上海野！碎雞好香花雕味，雞好嫩滑！牛展面湯好清甜，佢湯係另上，咁樣麵就唔會浸到淋晒！仲會有一碟小伴菜-雪菜。牛展好淋、好嫩！一碗湯都有幾舊。蝦多士，其實我食完都唔知有蝦，係家姐講先知！佢只係一般芝麻多士味。水煮龍脷柳麻而不辣！下面配薯粉，索晒湯味，好正魚肉好滑！！！香港第一次食到！手抓餅好有煎既香味，感覺好熱氣，完全食唔到其他味道！！淡！ 單骨雞翼，味道唔錯！好香脆！！帶子小籠包好足料！一咬落去好多湯汁！