養心殿台式養生鍋 (已結業)

本身滿心期待去食呢間養心殿，因為個個都話好正，去到個環境都算大，個裝修都叫靚，好中國風。講返食物，我地3個女仔食叫左個少辣既麻辣鍋，一黎到有好多紅椒，一開蓋個味好勁，本身都驚食唔到，但係食落都ok, 入到口既我都唔係好食得辛辣既人都可以接受，另外叫左個雜菜拼盤，份量細得可憐，一個人食都嫌少囉但係盛惠60幾蚊😫魚皮餃，貢丸同墨魚丸都係40幾蚊但係得4粒，真係唔夠分囉，個手切牛肉係最好味，但由於都偏貴，要成200蚊碟，最後冇預期咁好食，性價比低，職員態度差，叫極都唔應，尖沙咀呢間係地庫收唔到上網，個wifi又差，我就冇下次喇。