貴緣小鍋米線 (崇潔街) (已結業)

有跟開米線關注組既自然對紅磡呢間米線小店唔陌生。湯底一共有5款，包括招牌酸辣湯、秘製麻辣湯、新鮮蕃茄湯、豬骨鮮濃湯同埋青花椒麻濃湯；麵可以揀米線、紅薯粉或者米粉，配菜同小食都有好多款。𖦹 酸辣小鍋米線 多酸多芽小辣 ＄87湯底有炸醬、芽菜、酸菜、韭菜，酸味突出，但小辣對我黎講無咩辣味，下次會食中辣，米線偏粗身，加上勁多爽口既芽菜，餸嘅份量非常慷慨！豬軟骨咬落去Q彈，有好多軟骨位同骨膠原；滷水大腸入味軟腍，厚身既冬菇皇啖啖肉，螺旋藻幾有咬口，蘿蔔鮮甜無渣，吸湯一流。𖦹 皮蛋豆腐 $24嫩豆腐非常滑溜，加上皮蛋碎粒、蒜味辣汁好開胃。