品穀

營業中

休息中

一向十分欣賞整得好靚既生日蛋糕。上網見到呢間有好多好靚既蛋糕，仲有唔少好評，但價錢頗貴，反覆研究好幾日，思前想後決定試試佢點解咁貴！日本柚子蛋糕$580切開蛋糕散發出陣陣柚子味，入面有柚子慕絲，柚子蛋糕，杏仁脆餅。食落柚子味好濃，但略嫌蛋糕外的朱古力太甜，蓋過了柚子味，令蛋糕食落唔夠清新。餅底比較厚，係杏仁脆餅，有咬感又結實，係整得唔錯既餅底。總括而言，係賣相高分，食落普通，無咩特別。食完再睇返website, 發現減價了，竟然有$380 1磅，我買的時候只有一個選擇，雖說我買的是1.5磅但如果有選擇我會選1磅的呢🤔蛋糕附送的切餅刀是stainless steel，挺漂亮的。