影片
更多
2017-07-08
514 瀏覽
見到呢間評價好似幾好，去到食完先知大伏。嗌左兩樣野食，一樣係鄉村炸雞，一樣係chilbee noodle。先講個麵食，我俾十蚊去買個合味道咖喱海鮮味杯麵都仲好食過呢堆價值接近70蚊嘅所謂韓式拉麵。嗌得都預左係即食麵質素，但喂呀哥，你個湯底仲衰過普通雞湯味，一味得個辣字，飲落就好似含完啖辣椒粉加水咁，即食麵都起碼有啲味精味啊，乜都無都唔知個湯底係點整出黎。再講啲料，俾左成70蚊食碗難食嘅即食麵，大佬配料得兩塊無味嘅午餐肉？個兩塊午餐肉加埋都唔夠我手掌心咁大，厚又唔係厚，我去超市買罐荷美爾都係30蚊有找咋，成本高漲都咁嘅地步？70蚊食兩塊細size午餐肉加難食即食麵，唔打上黎發洩下都對唔住我自己。以為碗即食麵已經最差？我都想。重頭戲炸雞黎啦。一上到枱已經深知不妙，見到成碟野毫無香味可言，每件雞都深色都睇唔到顏色咁劑，就知道一定炸到過哂火，唯有寄望味道撘救。一食落果然如我所料，啲肉質仲嚡過舊well done牛扒，味道就更加係世界級難食嘅水準，一啲層次都無，食落就只得一股死鹹味，完全食唔出有其他調味料嘅味，食黎食去都得鹽味（係啊陣鹹味仲要衰到連醬油味都無），分分鐘連醃個時都只係落左鹽，咁你不
嗌左兩樣野食，一樣係鄉村炸雞，一樣係chilbee noodle。先講個麵食，我俾十蚊去買個合味道咖喱海鮮味杯麵都仲好食過呢堆價值接近70蚊嘅所謂韓式拉麵。嗌得都預左係即食麵質素，但喂呀哥，你個湯底仲衰過普通雞湯味，一味得個辣字，飲落就好似含完啖辣椒粉加水咁，即食麵都起碼有啲味精味啊，乜都無都唔知個湯底係點整出黎。再講啲料，俾左成70蚊食碗難食嘅即食麵，大佬配料得兩塊無味嘅午餐肉？個兩塊午餐肉加埋都唔夠我手掌心咁大，厚又唔係厚，我去超市買罐荷美爾都係30蚊有找咋，成本高漲都咁嘅地步？70蚊食兩塊細size午餐肉加難食即食麵，唔打上黎發洩下都對唔住我自己。
以為碗即食麵已經最差？我都想。重頭戲炸雞黎啦。一上到枱已經深知不妙，見到成碟野毫無香味可言，每件雞都深色都睇唔到顏色咁劑，就知道一定炸到過哂火，唯有寄望味道撘救。一食落果然如我所料，啲肉質仲嚡過舊well done牛扒，味道就更加係世界級難食嘅水準，一啲層次都無，食落就只得一股死鹹味，完全食唔出有其他調味料嘅味，食黎食去都得鹽味（係啊陣鹹味仲要衰到連醬油味都無），分分鐘連醃個時都只係落左鹽，咁你不如叫鹽味炸雞算數啦，叫咩鄉村烤雞，仲要差唔多成170蚊一碟，件數雖然可以接受但肉其實並唔多，而即使食到落肚嘅都並唔係雞肉，而係一堆我嘅憤怒同無助，咁搞法我俾50蚊去食個kfc餐都仲滋味過呢間所謂韓國人開嘅正宗炸雞。
以為食物已經係最大問題？少年你太年輕了。成間餐廳唔係特別大，有兩個人serve雖稱不上綽綽有餘但都足夠，而我食嘅時候只得3,4枱客所以絕對唔會構成分身乏術嘅情況出現。有趣嘅係，個兩個人感覺上就好似處於另一個空間咁，同正常人嘅時空永遠有段距離。廚師第一次煮完碗麵擺出傳菜區，咁我地睇到碗麵之後(個時已經唔知擺左幾耐)都準備好食物嘅來臨。點知見到個waiter毫不知情咁係門口行黎行去，好似同廚房個邊完全零溝通咁，你有你做我有我做，咁都算，我諗住叫佢攞碗麵俾我食啦，點知叫左一次，兩次，三次，四五六次仲要不斷提高聲線都無反應，碗麵就擺左係度唔知幾耐攤凍哂，幾好食都俾你搞到難食啦(再加上本身已經難食)。好啦去到埋單個時，食完一餐咁嘅晚餐已經嬲嬲地，諗住俾完錢快啲走，點知叫佢收錢仲難過叫佢俾野我地食，一個waiter掛住睇電視，另一個又係企係門口唔知係度發呆定趕客，又要叫足差唔多分幾鐘先有回應，有野忙緊就話姐，喂呀哥而家你無野做，俾錢你賺都唔要，仲學人開餐廳？睇電視就反屋企啦！
總括而言，食物零分，態度負分，簡直係我近5年黎食過最難食又唔抵食嘅餐廳。
張貼