影片
更多
2017-10-29
1388 瀏覽
其實自己都奇怪，台灣好出名食日式烤肉，但除左一次出差食過，就冇特別想食的意慾。直至台灣著名烤肉店「橘焱胡同燒肉夜食」落戶香港尖沙咀，又引起我注意。要去食都唔容易，慕名而去的人多，但地方有限，所以最起碼要早兩星期訂位。聽電話的多數都係台灣人，所以最好練定d普通話XD由於店內多數係4-6人枱，所以人少的話，即使你有訂位，都只可以坐bar枱。不過千祈唔好失望，因為除左可以望住店員燒嘢，以我觀察所得，反而坐bar枱必定係由店員幫你燒嘢，坐一般席有時就要自己燒，眼見有枱自己燒燶晒食物，要退返畀廚房。爐方面，bar枱係用炭爐（唔知點解可以室內燒炭），相反一般席係普通煤氣爐，風味應該差好遠。點好菜，侍應會先送上檸檬汁、蔥同洋蔥粒，用作調味之用，味道比點豉油清新好多，冇咁濃味同消膩。食烤肉點可以唔叫牛舌？佢有提供粒狀的角切，但我比較喜歡食薄的鹽蔥牛舌（$98），起碼唔會難咬。店員幫我燒到5成熟，雖然都算爽口，但略嫌調味輕手左d，要靠檸檬汁帶起鮮味。牛五花（$168）有兩種口味選，有椒鹽同我呢款烤肉醬，烤肉醬同牛肉好夾味，牛肉烤到剛剛熟，質感軟腍到好似咬棉花糖咁，入口即溶，牛魔王必點。仲有一樣必吃，就係
要去食都唔容易，慕名而去的人多，但地方有限，所以最起碼要早兩星期訂位。聽電話的多數都係台灣人，所以最好練定d普通話XD
由於店內多數係4-6人枱，所以人少的話，即使你有訂位，都只可以坐bar枱。不過千祈唔好失望，因為除左可以望住店員燒嘢，以我觀察所得，反而坐bar枱必定係由店員幫你燒嘢，坐一般席有時就要自己燒，眼見有枱自己燒燶晒食物，要退返畀廚房。爐方面，bar枱係用炭爐（唔知點解可以室內燒炭），相反一般席係普通煤氣爐，風味應該差好遠。
點好菜，侍應會先送上檸檬汁、蔥同洋蔥粒，用作調味之用，味道比點豉油清新好多，冇咁濃味同消膩。
食烤肉點可以唔叫牛舌？佢有提供粒狀的角切，但我比較喜歡食薄的鹽蔥牛舌（$98），起碼唔會難咬。店員幫我燒到5成熟，雖然都算爽口，但略嫌調味輕手左d，要靠檸檬汁帶起鮮味。
牛五花（$168）有兩種口味選，有椒鹽同我呢款烤肉醬，烤肉醬同牛肉好夾味，牛肉烤到剛剛熟，質感軟腍到好似咬棉花糖咁，入口即溶，牛魔王必點。
仲有一樣必吃，就係奶油去骨雞腿肉（$80），店員燒的時候會蘸上溶左嘅牛油一齊燒，令雞肉香到不得了，仲帶點蒜蓉香，面頭仲燒得脆脆地，如果有quota，一定會encore多碟。
我知好多人都會點墨魚香腸（$100），又跟住試試。得10小粒賣咁貴都覺得誇張，但食落又真係值，外面燒到微脆，裡面有好濃郁的墨魚香，仲清楚咬到墨魚粒，好爽口彈牙，非常好食。
最後以椒鹽雞軟骨（$80）作結，呢道算係最平凡冇咩特別菜式，純粹想咬下爽口嘢嘅不妨一叫，調味係足的，滿口鹹香。
食烤肉唔飲酒有點過不去，點左杯荔枝柳橙調酒（$55），酒味唔濃，橙味比較蓋過荔枝味，酸酸地幾開胃，啱女仔胃口。
另外想講下呢度特色：
1. 限時兩個鐘。
2. 烤肉店始終煙味比較強，所以店方設有locker畀大家放置物品，算係細心。
3. 因為人手嚴重不足，每個店員都要兼顧落單、上菜、燒嘢食，甚至調埋酒，所以雖然係由店員幫你燒肉，但一個燒左，放低個夾行開左，第二個經過又會幫你反下d肉，反左冇耐第三個又經過再反下d肉，如是者，一碟肉可以係由4-5個店員合作燒成，都幾搞笑。店長仲型，本來諗住幫個客放蛋糕入雪櫃，但佢經過d爐又忍唔住出手，於是就一手捧住蛋糕，另一隻手就燒嘢食，我忍唔住笑，佢望到，又chok住邊笑邊燒，好有誤樂性。
張貼
