享慢煮意 (形點 I) (已結業)

裏面好多蘿蔔蓉，的確幾好味。熱檸茶有啲凍，非常唔ok. 而且店內只有brown sugar 而沒有white sugar，爭好遠。龍蝦汁魚籽意粉，料非常足。不過覺龍蝦汁無乜收汁略濕（個人口味鐘意個汁收d）。濃濃的湯下，掩蓋曬其他味道，你其實已經唔知有魚籽響上面，味道已經被掩蓋。對意粉有啲要求，覺得係al dente 方面仍然有進步空間。想講呢個焦糖蛋真係好好味，下面仲有少少藍莓醬。個蛋滑，焦糖又唔會太甜。其實真係有啲貴。值唔值真係見仁見智。我會偏向覺得於，都係偏貴咗啲，個別食物嘅烹調技巧未追得上個價錢。