峰景餐廳 (已搬遷) 新店位置

為慶祝母親節提早咗兩個星期就定位安排當日節目！首先就係同埋一家大細上山頂食個lunch先！峰景餐廳，最主要係睇風景啦！可惜天公未能做到盡善盡美！沒有下雨，但霧十分大沒什麼風景！當然沒下雨都很好彩了！去到接待處！接待我們的店員很有禮貌清楚知道我們定了幾點鐘，很快便帶我們去到一張 window side 的枱！一行六個大人兩個小孩！浩浩蕩蕩咁去到山頂當然就準備叫嘢好食啦！枱上兩個memu. 食物餐單一個，另一個係 drink memu.但午餐食物的選擇我覺得唔算很多，很豐富！我們分別點了，凱撒沙律，半打生蠔，三文魚子雲吞，白汁海鮮意粉，肉眼扒，安格斯扒及一個豚肉扒，海鮮pizza.1. 先講生蠔，新鮮程度100分，可能係中午的關係！時間尚早！食落有海水味，賣相極佳！2. 三文魚子雲吞，賣相都很好，但分量比較小！味道都很好！3. 意粉及沙律，平平穩穩，沒有大驚喜，有小小嫌佢收百七蚊，但份量確實太小？4. 牛扒類，相對嚟講分量大啲，而且味道不錯，對比其他食物，價格反而化算！5. 豚扒（豬扒），反而係最好食，不太肥亦不太瘦，肉味很濃！6. pizza 沒什驚喜！