影片
更多
2010-10-17
88 瀏覽
尋日(16-10-2010 Sat)同男友到馬灣,我一早Book o左呢間7:00pm,由於我同男友o係沙灘都無所事事,於是6:30pm就走o黎,o黎到,安排我o地坐最出最開揚,對正青馬橋冇樹遮擋o既無敵靚位我o地又驚訝又開心,好多謝侍應們o既安排呀! 好,我跟下面位食位,叫o左:3. 男友話要飲德國啤,侍應問我o地要黑啤定白啤?同樣係由小麥發酵而成,但黑啤就多啲小麥,o衣o家係德國啤酒節,做特價,一杯500毫升,$39.00一杯.咁我o地叫o左一樣一杯.我o地一邊玩影相,一邊等,兩杯啤酒先到,我覺得黑啤好飲過白啤,味道實啲,白啤味道太輕盈.最後我同男友兩人飲晒杯黑啤,而白啤因為放暖o左,唔好飲,剩返多到好似冇飲過.1.$89.00o既德國特色捲腸,薯蓉第一個到o黎喇,其實我o地唔知係咩肉,食落,應該係豬肉呢,呢個係我o地第一次食,真係講唔出味道係點,連啲汁都形容唔到.男友食到有黑椒粒,而中間o既係鹹酸菜之類,我自己就食唔慣.而伴碟o既黑醋沙律味道o岩o岩好,甜甜酸酸,唔錯.薯蓉呢,我食到有奶味,裡面都有薯仔粒同洋蔥,我就唔係幾鍾意有洋蔥o勒,怪怪的,但薯蓉味道係唔錯.味道: 3.5分
好,我跟下面位食位,叫o左:
3. 男友話要飲德國啤,侍應問我o地要黑啤定白啤?同樣係由小麥發酵而成,但黑啤就多啲小麥,o衣o家係德國啤酒節,做特價,一杯500毫升,$39.00一杯.咁我o地叫o左一樣一杯.
我o地一邊玩影相,一邊等,兩杯啤酒先到,我覺得黑啤好飲過白啤,味道實啲,白啤味道太輕盈.最後我同男友兩人飲晒杯黑啤,而白啤因為放暖o左,唔好飲,剩返多到好似冇飲過.
1.$89.00o既德國特色捲腸,薯蓉
第一個到o黎喇,其實我o地唔知係咩肉,食落,應該係豬肉呢,呢個係我o地第一次食,真係講唔出味道係點,連啲汁都形容唔到.男友食到有黑椒粒,而中間o既係鹹酸菜之類,我自己就食唔慣.
而伴碟o既黑醋沙律味道o岩o岩好,甜甜酸酸,唔錯.
薯蓉呢,我食到有奶味,裡面都有薯仔粒同洋蔥,我就唔係幾鍾意有洋蔥o勒,怪怪的,但薯蓉味道係唔錯.
味道: 3.5分
2. $89.00o既德式烤雞,薯條
開頭我o地覺得半隻烤雞應該唔係好大隻,但原來唔係,都幾大隻o架.而且上枱時好香,薯條 / 角熱辣辣,好味.
烤雞好脆好好味,又白又豐盈o既雞肉,令我o地食得好滿足,不過雞肉要蘸汁食,因為都幾淡口.但整體係好食到,我o地不顧儀態,用手拎住已冇乜肉o既雞殼o黎食,啲味道留o係啲骨o度,真係好香.
味道: 4.7分
食完呢兩樣,飽到男友要放棄食德國齣豬手o既念頭,但仍要食:
4. $49.00o既炸雪糕
又係睇到下面位食友介紹,見個雪糕真係炸出o黎,就要試啦.o黎到,大大個.男友叉開佢睇睇,外面o既粉糰好厚
,試吓先,厚粉糰味道麻麻,(但粉糰唔厚,炸o既時候裡面o既雪糕咪熔晒囉.)
不過佢外表冇油同食落都唔係太油膩,呢點可以加分.內裡o既係香香o既雲呢o拿雪糕,佢依然好夠凍,甚至重有冰.不過我覺得如果個粉糰做返同雪糕一樣o既味道,感覺會好食啲.味道: 4分
服務:
好好啊,其實開頭我book 23號晚,但想轉呔同男友去食buffet慶祝佢o既生日,於是前日打電話o黎改尋晚,好彩佢未full,重問我想唔想坐出面?我答冇所謂,好吖.(我諗住尋晚應該唔熱同涼涼地,坐出面應該都幾舒服;同埋睇之前o既食評,應該係坐o係有瓦遮頭o既走廊位)點知就如上面所講,個位正到痺.
我o地叫o左菜後,一個女侍應拎住兩杯水o黎,問我o地叫o左菜未?我答叫o左喇.佢笑說咁送兩杯水畀你o地啦.哈哈.
食完o野後,我o地就叫炸雪糕,咁o岩又叫著佢,佢問點解咁多人叫炸雪糕o既呢?我答特別同得意囉.
最後埋單,又係叫著佢,佢笑住話333,真巧合.
中途我o地後面張枱o既客人落單,佢sell德國啤酒,女客人答唔飲得,揸車.女侍應就笑說幫佢揸.哈哈佢真係好鍾意攪氣氛喎.
呢餐共$333.00.
衛生:
估唔到坐出邊o係棵矮植物隔離都咁乾淨,冇乜垃圾,証明佢o地都好好保護環境.
環境:
原來正門o係沙灘入
重使講,我o地坐o既位,加上微微燭光,簡直係超浪漫同超正啦. 我重想賴死唔走添.
張貼
