8鍋臭臭鍋 (金巴利道) (已結業)

我第一次食，揀藥膳羊肉鍋，味道不錯又暖胃，啱哂凍冰冰天氣。2位女服務員態度極好，即使遇到呃飯食的衰客。有個男食客，用膳其間經常向服務員查詢，女服務員都十分有善解答查詢，介紹食材，男食客即使未食完已經俾錢找數。突然間，男食客大叫「CALL白車」，話火鍋的熱湯彈到眼好痛，女服務員立即上前查看，男食客叫女服務員「CALL白車」，女服務員見他狀甚辛苦，便馬上CALL白車;另外，男食客叫女服務員俾返錢佢（其實係佢自己唔小心，有咩食理由食嘢俾唔錢！），女服務員為息事寧人，便俾返錢佢。等候白車其間，食客開始增多，2位女服務員十分忙碌工作時，男食客走上前哄埋女服務員身邊講嘢，我見佢無再按住隻眼，女服務員叫佢坐低休息，話救護車快到，但佢無理，搭搏頭好似好老友，之後離開食店。跟住救護車到場，女服務員無奈地表示傷者走咗，救護員等咗10分鐘未見傷者，只好離開，女服務員都不好意思。我問返女服務員，原來該男食客唔係熟客。起飲食業艱苦經營下，遇到呃飯食的衰客，仲要浪費醫護資源嘅人，真係唔好彩！不過2位女服務員的EQ很高，繼續努力接待食客，值得讚揚！